Ֆիլմի գլխավոր հերոսն աշխատում է քաղաքի ամենահայտնի ռեստորաններից մեկում։ Նա պատրաստվում է ամուսնության առաջարկություն անել իր սիրեցյալին և այդ առիթով ձեռք է բերել անհրաժեշտ ամեն ինչ` և՛ մատանի, և՛ անգամ նոր փողկապ` էլեկտրիկ-կապույտ գույնի, նրան պատրաստ է աջակցել լավագույն ընկերը` Գարիկը (Միշո)։ Վերջինիս «քթի տակ» պոկերի առաջնության եզրափակիչն է, սակայն աշխատավայրում արտասովոր իրավիճակ է ստեղծվել։ Գարիկը դիմում է Մուշոյի (Հովհաննես Ազոյան) օգնությանը, ով, իհարկե, չի կարող մերժել նրան։ Եվ ինչ է ստացվում դրանից… Հանգամանքներն անվերահսկելի ընթացք են ստանում ու գլխավոր հերոսը հայտնվում է իր համար ոչ սովորական իրավիճակներում` զվարճալի, վտանգավոր, ռիսկային։

Ալմաթիի կենտրոնական թանգարանի սրահներից մեկում ընթանում է շախմատի միջազգային մրցաշար։ Եզրափակչում հաղթողի կոչումը խաղարկում են հայ և հնդիկ շախմատիստները։ Հաղթում է հայը։ Միևնույն ժամանակ թանգարանում պլանավորվում է հանդուգն կողոպուտ։ Գործը հանձնարարված է բարձրակարգ ավազակի, ով քողարկվում է մատուցողի հագուստով, իսկ գողոնը թաքցնում շոկոլադե շախմատի ձիու մեջ։ Այդ ամենից անտեղյակ հայ շախմատիստը կատարում է ևս մեկ հաղթական «քայլ ձիով»՝ նա կուլ է տալիս Լենկթեմուրի գողացված ռուբինը և ուղևորվում Հայաստան։

Անչափ զվարճալի, միաժամանակ մի քիչ տխուր, մի քիչ անհավանական, բայցև իրական մի պատմություն... Ֆիլմի գործողությունները տեղի են ունենում Երևանում: Գլխավոր հերոսը՝ Տիգրանը, ապրում է Երևանում, աշխատում է ծաղիկների առաքման ծառայությունում: Կյանքում նրան ամենից շատ տանջում են սիրային հարցերում ունեցած մշտական անհաջողությունները: Կաշկանդվող և ամաչկոտ լինելու պատճառով նա միշտ ձախողում է ծանոթությունները աղջիկների հետ: Նրա ընկեր Էմիլը անում է ամեն ինչ, որպեսզի ընկերոջն օգնի լուծել անձնական հարցերը: Նա նույնիսկ համոզում է Տիգրանին գնալ ծայրահեղ միջոցի` դիմել սև մոգության օգնությանը: Ընկերները չեն էլ պատկերացնում, թե ինչ է սպասվում իրենց ...